Pro 1 | Ndebele | STEP | Izaga zikaSolomoni, indodana kaDavida, inkosi yakoIsrayeli ;

1 Izaga zikaSolomoni, indodana kaDavida, inkosi yakoIsrayeli ^a; 2 ukwazi inhlakanipho lokulaywa ^b, ukuqedisisa amazwi ^c okuqedisisa ^d, 3 ukwemukela ukulaya kwenhlakanipho ^e, ukulunga, lesahlulelo, lokuqonda ^f; 4 ukunika abangelalwazi ^g inhlakanipho ^h, ijaha ulwazi lengqondo. 5 Ohlakaniphileyo uzakuzwa, andise ⁱ ukufunda ^j, loqedisisayo uzazuza ^k izeluleko ^l, 6 ukuqedisisa ^m isaga lomzekeliso ⁿ, amazwi abahlakaniphileyo, lamalibho abo ^o.

Izeluleko kumajaha

7 Ukwesaba iNkosi kuyikuqala kolwazi ^p; izithutha ziyadelela inhlakanipho lokulaywa ^q. 8 Ndodana yami ^r, zwana ukulaya kukayihlo ^s, ungawudeli umlayo kanyoko ^t; 9 ngoba kuzakuba ngumqhele womusa ekhanda lakho, lemigaxo ^u entanyeni yakho ^v.

10 Ndodana yami, uba izoni zikuhuga, ungavumi ^w. 11 Uba zisithi: Hamba lathi, siyecathamela igazi ^x, sicatshele ongelacala kungelasizatho ^y; 12 sibaginye bephila ^z njengengcwaba ^aa, yebo, ngokupheleleyo, njengabehlela egodini ^ab. 13 Sizathola yonke impahla eligugu, sigcwalise izindlu zethu ngempango. 14 Phosela inkatho yakho phakathi kwethu; sonke sibe lesikhwama semali sinye. 15 Ndodana yami, ungahambi lazo endleleni; unqande unyawo lwakho emkhondweni wazo ^ac. 16 Ngoba inyawo zazo zigijimela ebubini, ziphangisa ukuchitha igazi ^ad. 17 Isibili, imbule lendlalelwa ize phambi kwamehlo aloba yiyiphi inyoni ^ae. 18 Lalaba bacathamela igazi labo ^af, bacatshele imiphefumulo yabo ^ag. 19 Zinjalo indlela zakhe wonke ozuza inzuzo ngokuphanga ^ah; ithatha impilo yabaniniyo ^ai.

Inhlakanipho iyamemeza

20 UkuHlakanipha kuyamemeza ngaphandle, kukhupha ilizwi lakho emidangeni ^aj. 21 Kuyamemeza endaweni eqakathekileyo yokuxokozela, ekungeneni kwamasango; emzini kutsho amazwi akho ^ak, 22 kusithi: Koze kube nini, lina elingelalwazi, lithanda ukungabi lalwazi ^al, labaklolodayo bezifisela ukukloloda ^am, leziphukuphuku zizonda ulwazi ^an? 23 Phendukelani ekukhuzeni kwami; khangelani, ngizathululela ^ao umoya wami kini, ngilazise amazwi ami ^ap.

24 Ngoba ngibizile ^aq, kodwa lala ^ar; ngelulile isandla sami, kodwa kakho onanzayo; 25 ladelela sonke iseluleko sami ^as, kalivumanga ukukhuza kwami ^at; 26 mina-ke ngizahleka ukuchitheka kwenu ^au, ngiklolode ekufikeni kokwesaba kwenu ^av, 27 ekufikeni kokwesaba kwenu njengesiphepho, lokuchitheka kwenu kufika njengesivunguzane, lapho ubuhlungu losizi kulehlela ^aw. 28 Khona bazangibiza, kodwa kangiyikusabela ^ax; bazangidingisisa, kodwa kabayikungithola ^ay. 29 Ngenxa yokuthi babezonda ulwazi ^az, bengakhethanga ukwesaba iNkosi ^ba. 30 Kabavumanga iseluleko sami ^bb, bedelela konke ukukhuza kwami ^bc. 31 Ngakho bazakudla okwesithelo sendlela yabo ^bd, basuthiswe ngamacebo abo ^be. 32 Ngoba ukuhlehla kwabangelalwazi kuzababulala, lokonwaba kweziphukuphuku kuzababhubhisa ^bf. 33 Kodwa ongilalelayo uzahlala evikelekile ^bg, onwabe ekwesabeni okubi ^bh.